2 stórir hausar brokkolí
2 hvítlauksrif
2 msk ólífuolía
salt og pipar
2 msk sítrónusafi
Skerið brokkolíið í nokkuð stóra bita og setjið í eldfast mót, dreifið olíunni, hvítlauk, salti og pipar yfir. Ath. sítrónusafinn á ekki að fara strax!
Bakið í ofni við 200°C í 20-30 mínútur.
Það á að verða sirka svona.
Áður en brokkolíið er borið fram er sítrónusafanum dreift yfir!
Rófur, gulrætur, blómkál, jafnvel spergilkál (það grænmeti sem mann langar í og á í það skipti) er skorið niður í þægilega stóra bita. Öllu er komið fyrir í gufusuðupotti og saltað létt, soðið þangað til hægt er að stinga í gegnum grænmetið með gaffli. Ef þið eigið ekki gufusuðupott má sjóða grænmetið í vatni, en látið þá suðuna koma upp áður en grænmetinu er bætt í pottinn.
Nokkrar kartöflur soðnar í litlum potti í 30-35 mínútur. Kartöflurnar eru tilbúnar þegar það er hægt að stinga í þær og þær detta af gafflinum. Athugið að kartöflur eru misstórar og geta því þurft mislangan suðutíma, gott er að velja kartöflur sem eru svipaðar að stærð.
Að sjóða fisk er eitthvað sem allir ættu að kunna. Setjið vatn og salt (1-2 tsk) í stóran pott, hitið að suðu, setjið fiskinn ofaní. Slökkvið undir og látið standa í 8-9 mínútur. Hér að ofan er mynd af soðinni reyktri ýsu, mæli einnig með nætursaltaðri og venjulegri ýsu. Það er í góðu lagi að sjóða allar útgáfurnar saman í potti.
Rúgbrauð með smjöri er ekki vitlaust með þessum mat.
400 gr ýsa
2-3 gulrætur
1/2 blómkálshaus
1/2 brokkolíhaus
1 paprika
1 dós villisveppasmurostur (250 g)
1 dós hvítlauksrjómaostur (125 g)
2,5 dl matreiðslurjómi eða nýmjólk
150 g rifinn ostur
1/3 pakki mulið Ritz kex
1 fiskikraftsteningur
Salt og pipar eftir smekk
Skerið fiskinn í meðalstóra bita. Kryddið með salti & pipar. Raðið fisknum í eldfast mót.
Skerið grænmetið niður og brúnið aðeins á pönnu. Setjið grænmetið ofaní eldfasta mótið.
Setjið sveppasmurost, hvítlauksrjómaostinn og matreiðslurjóma/nýmjólk í pott og bræðið saman ásamt fiskikraftinum. Hellið sósunni yfir fiskinn og grænmetið.
Blandið ostinum og kexinu saman og stráið yfir.
Setjið mótið inn í ofn við 180° í 30 mínútur.
Borið fram með fersku salati og hrísgrjónum.
gullagylfa 